Search
ကျောက်သားနဲ့ထွင်းထုထားတဲ့ လန်ဒန်မြို့ အသည်းနှလုံး
လန်ဒန်မြို့ကလည်း ဗိသုကာနဲ့ ပတ်သက်ရင် ကမ္ဘာကျော်တဲ့ မြို့တစ်မြို့ဖြစ်ပြီးတော့ လန်ဒန်မှာရှိတဲ့ အံ့အားသင့်စရာ ဗိသုကာလက်ရာတွေဟာ တစ်ခုနှစ်ခုထက် မကပါဘူး။ မထင်မရှား လမ်းကြိုလမ်းကြားက အဆောက်အအုံ သေးသေးလေးတွေကနေ ကမ္ဘာကျော် အဆောက်အအုံတွေအထိ ကိုယ်ပိုင်ဟန်နဲ့ ထည်ဝါနေပါတယ်။ ထင်ရှားတဲ့ အထဲကဆို Big Ben လို့ခေါ်တဲ့ နာရီစင်ကြီးရှိတယ်။ တစ်ခေါက် မြင်ရုံနဲ့ မှတ်မိနေမဲ့ Tower Bridge ကြီးရှိမယ်။ ဂေါ့သစ် စတိုင်နဲ့ တောက်ကြွားနေတဲ့ ဗြိတိန် ပါလီမန် အဆောက်အအုံ Palace of Westminster ရှိမယ်။ နောက်ပြီးတော့ စိန့်ပေါဘုရားကျောင်းကြီးလည်း ရှိနေပါတယ်။
စိန့်ပေါဘုရားကျောင်းကြီးကို သမိုင်းတလျှောက် နာမည်အကျော်ကြားဆုံး ဗိသုကာ ပညာရှင်ဖြစ်တဲ့ Sir Christopher Wren က ၃၅ နှစ် အချိန်ယူပြီး တည်ဆောက်ပေးခဲ့ပါတယ်။ ဒီ ဘုရားကျောင်းကို ဆောက်လုပ်ရာမှာ ထုံးကျောက် (limestone) တွေကို အဓိကထား အသုံးပြုခဲ့ပြီး ဘုရားကျောင်းရဲ့ အတွင်းပိုင်း အပြင်အဆင် တချို့အတွက်တော့ စကျင်ကျောက် (marble) ကို အသုံးပြုထားခဲ့ပါတယ်။ Sir Christopher Wren ဟာ ဒီကျောက်အမျိုးအစားနှစ်ခုရဲ့ အားသာချက်ပေါင်းများစွာကို အကောင်းဆုံး အသုံးချပြီး လန်ဒန်မြို့ရဲ့ အသည်းနှလုံး ဖြစ်လာမဲ့ အဆောက်အဦးကို တည်ဆောက်ထားခဲ့တယ်လို့ ဆိုချင်ဆိုနိုင်ပါတယ်။
စိန့်ပေါဘုရားကျောင်းကြီးဟာ တည်ဆောက်ပြီးခါစကနေ ၁၉၆၃ ခုနှစ်အထိ နှစ်ပေါင်း ၂၅၀ ကျော် လန်ဒန်မြိုရဲ့ အမြင့်ဆုံး အဆောက်အဦး ဖြစ်ခဲ့ပါတယ်။ ဒီလို သူ့ရဲ့ မြင့်မားတဲ့ Aura ကို အဓိက အထောက်အပံ့ပေးနေတာကတော့ ဘုရားကျောင်းကြီးရဲ့ လိပ်ခုံးအမိုးပါပဲ။ ဒီလိပ်ခုံးအမိုးက ကမ္ဘာပေါ်မှာ အမြင့်ဆုံး လိပ်ခုံးအမိုးထဲက တစ်ခုဖြစ်ပြီး လိပ်ခုံးအမိုးသုံးခုနဲ့ ဖွဲ့စည်းထားတဲ့ ဆန်းသစ် ဗိသုကာလက်ရာ အမြင်ကို ပြဆိုနေပါတယ်။
လန်ဒန်မြို့ရဲ့ အသည်းနှလုံး ဖြစ်တဲ့အပြင် ခရစ်ယာန်ဘာသာရဲ့ ပြယုဂ်တခုလည်း ဖြစ်တဲ့ ဒီကျောင်းကြီးမှာ တည်ဆောက်သူ Sir Christopher Wren ရဲ့ နှလုံးသားလည်း မြုပ်နှံလျက် ရှိပါတယ်။ ဟုတ်ပါတယ်။ Sir Christopher Wren ရဲ့ အလောင်းကို ဘုရားကျောင်း တစ်နေရာရဲ့ မြေအောက်ခန်းမှာ မြုပ်နှံထားခဲ့တာကြောင့်မို့ပါ။ Sir Christopher Wren ဟာ သူ့ရဲ့ masterpiece လက်ရာနဲ့အတူ သူကိုယ်တိုင် ကမ္ဘာတည်သရွေ့ အတူနေလိုသွားချင်တဲ့ ဆန္ဒတစ်ခု ရှိခဲ့ပုံ ရပါတယ်။
London is one of the world’s most famous cities for architecture, with landmarks ranging from hidden historic buildings to iconic structures such as Big Ben, Tower Bridge, the Palace of Westminster, and St. Paul’s Cathedral.
Designed by Sir Christopher Wren over 35 years, St. Paul’s Cathedral was built primarily with limestone, while marble was used for parts of its interior. Wren’s masterful use of these materials helped create one of London’s defining landmarks.
For more than 250 years, until 1963, St. Paul’s Cathedral was London’s tallest building. Its most distinctive feature is its magnificent triple-dome structure, one of the tallest domes in the world.
The cathedral is not only a symbol of London and Christianity but also the final resting place of Sir Christopher Wren, who was buried in its crypt alongside his greatest architectural masterpiece.
