သဘာ၀နဲ့ မော်ဒန် အနုပညာကို ပေါင်းစပ်ပြသူ

တသွင်သွင်စီးကျနေတဲ့ ရေတံခွန်လေးတစ်ခုရဲ့ အပေါ်မှာ တိုက်ရိုက်ဆောက်ထားတဲ့ မော်ဒန်ဆန်ဆန်အိမ်လေးကို ကွန်ပျူတာ wallpaper တွေမှာ မြင်ဖူးကြလိမ့်မယ်ထင်တယ်..

ကြည့်လိုက်တဲ့အခါတိုင်း စိတ်ငြိမ်းချမ်းမှုတစ်စုံတစ်ရာရစေတဲ့ ဒီအိမ်ပုံလေးဟာ ပြုပြင်ထားတဲ့ပုံမဟုတ်ဘဲ အပြင်မှာတကယ်ရှိတဲ့ အိမ်လေးဆိုရင်‌ရော ယုံမလား..

Fallingwater house လို့ခေါ်တဲ့ ဒီရေတံခွန်အိမ်လေးကို အမေရိကန် ဗိသုကာပညာရှင် Frank Lloyd Wright က Pennsylvania အနောက်တောင်ပိုင်း၊ Laurel Highlands ဒေသ အခြေစိုက်၊ တောအုပ်လေးထဲမှာ ဆောက်လုပ်ခဲ့တာပါ။

Frank ရဲ့ ဗိသုကာ ဒဿနကတော့ ရှင်းပါတယ်။ ပြီးတော့ လှလည်းလှပါတယ်။ အဆောက်အဦးတွေဟာ သဘာဝ ပတ်ဝန်းကျင်ထဲမှာ ရှိနေတာထက် အဆောက်အဦး ကိုယ်တိုင်ကိုယ်က သဘာဝ ဖြစ်နေရမှာပါ။ သဘာဝနဲ့ တစ်သွေးတည်းတစ်သားတည်း ဖြစ်နေရမှာပါ။ Frank အတွက်ဆို “တောင်ပေါ်က အိမ်လေးတစ်လုံး” မဟုတ်ပါဘူး။ “တောင်ရဲ့ အိမ်လေးတစ်လုံး” ပါ။ တောင် = အိမ်ပါ။

ခေတ်သစ်ဗိသုကာရဲ့ ပြယုဂ်တစ်ခုဖြစ်လာတဲ့ မှန်ချပ်အကြီးကြီးတွေ၊ ပြတင်းပေါက်အကျယ်ကြီးတွေကို အဆောက်အဦးတွေမှာ ထင်ရှားစွာ အသုံးပြုခဲ့သူတွေထဲ Frank တစ်ယောက်လည်း အပါအဝင် ဖြစ်ပြီး သူဒီလို သုံးရခြင်းက သဘာဝနဲ့ အဆောက်အဦးကြားက မျဉ်းကို ပါးသထက်ပါးအောင် ခဲဖျက်နဲ့ ခပ်ဖွဖွလေး ဖျက်ပစ်တဲ့ အနုပညာ လုပ်ရပ်တစ်ခုလို့ ပြောလို့ ရပါတယ်။

Frank သတ်မှတ်ထားတဲ့ nature က အစိမ်းရောင်ချည်းပဲ မဟုတ်ပါဘူး။ သစ်ပင်ပန်းမန်တွေပဲ မဟုတ်ပါဘူး။ ရေ၊ အလင်းရောင်၊ အသံ၊ ရှုမျှော်ခင်း၊ မျဉ်းကြောင်း၊ ဆုံမှတ်၊ ထောင့်၊ မျက်နှာပြင်၊ သိမ်မွေ့တဲ့ လှုပ်ရှားမှု၊ သဘာဝကရတဲ့ ကုန်ကြမ်းပစ္စည်းတွေကနေ လူသားခံစားမှုအထိ Frank အတွက် nature ပါပဲ။

အဆောက်အဦးတစ်ခု၊ အိမ်တစ်လုံးကို ဆောက်လုပ်သူ မဟုတ်တဲ့ စိုက်ပျိုးသူ Frank Lloyd Wright နာမည်ကတော့ သဘာဝနဲ့ ဗိသုကာထဲမှာ အညမညကျကျ စီးမျောရင်း ဆက်လက်ရှင်သန်သွားမယ့် နာမည်တစ်ခုပဲ ဖြစ်ပါတယ်။

You may have seen that modern house built directly over a flowing waterfall, the kind of image that seems almost too peaceful to be real.

But Fallingwater is real.

Designed by American architect Frank Lloyd Wright in Pennsylvania’s Laurel Highlands, the house is one of the finest examples of his philosophy of organic architecture.

For Wright, a building shouldn’t simply exist in nature. It should become part of nature.

It wasn’t a house on the mountain, but a house of the mountain.

Wright used glass, large windows, natural materials, light, water, sound, geometry, landscape, and surfaces to blur the boundary between architecture and nature. For him, nature wasn’t just trees and greenery, it included everything from natural materials to the way people experience a space.

Perhaps that’s why Fallingwater still feels less like a building placed in a forest, and more like something that grew from it.
#delinaseries #porcelaintiles #tiles #surfacesthatfeel